2024-09-25 08:42:21
بۆ هەماهەنگی زیاتر و ئاگاداربوون لە بۆنە و کۆنفڕانس و پێشانگا نێودەوڵەتیەکانی فەڕەنسا و هەرێمی کوردستان، ئەمڕۆ سێشەممە، 2024/9/24، شاندی حکومەتی هەرێمی کوردستان کە پێکهاتبوون لە لە گەیلان حاجی سەعید، سەرۆکی ژووری بازرگانی و پیشەسازی هەولێر، نەوزاد غەفور، سەرۆکی ژووری بازرگانی و پیشەسازی سلێمانی و سەفین دزەیی، بەرپرسی فەرمانگەی پەیوەندیەکانی دەرەوەی حکومەت، کەمال موسلیم، وەزیری بازرگانی، محەممەد شوکری، سەرۆکی دەستەی وەبەرهێنان و مەعروف عەزیزخان هەرکی، جێگری سەرۆکی ژوور و ژمارەیەك لە بەرپرسانی تری حکومەت، سەردانی نوێنەرایەتی حکومەتی هەرێمی کوردستانیان کرد لە لایەن د. عەلی دۆڵەمەڕی، نوێنەری حکومەت لە فەڕەنسا پێشوازیان لێکرا.
لە دیدارێکدا باس لە چەند تەوەرێکی پەیوەست بە بەهێزترکردنی پەیوەندیە ئابووری و بازرگانیەکانی نێوان وڵاتی فەڕەنسا و هەرێمی کوردستان کرا، هەروەها بۆ ئاگاداربوون لە بۆنە، کۆنفڕانس و پێشانگا نێودەوڵەتیەکانی فەڕەنسا و بەشداریکردن بە شاندی بازرگانی هەرێم و ئاگادارکردنەوە خاوەنکار و پیشەوەران، لە ماوەی داهاتوودا لە رێگەی نوێنەرایەتی حکومەتی هەرێمی کوردستان لە فەڕەنسا هەماهەنگی راستەوخۆی دەبێت لەگەڵ ژووری بازرگانی و پیشەسازی هەولێر.
هەر لەم دیدارەدا هەردوولا هاوڕابوون لەسەر کارکردنی زیاتر بە ئامانجی ناساندنی سێکتەرەکانی وەبەرهێنان و کەشی لەباری هەرێم بۆ خاوەنکار و وەبەرهێنەرانی فەڕەنسا، هەروەها جەخت لە ئاسانکاری بۆ بازرگانان و وەبەرهێنەرانی هەردوولا کرایەوە.
