2024-09-24 09:10:44
رۆژا چارشەمبی رێکەفتی 2024/9/18، کۆنسولێ گشتی یێ کۆمارا تورکیێ رێزدار “ئەرمان تۆپچوو” ل گەل شاندەکی سەرەدانا ژوورا بازرگانی و پیشەسازی یا دهۆکێ کر و ژلایێ رێزدار “شوکری جەمیل” سەرۆکێ ژوورێ و رێزداران “لەتیف عوسمان و مەسعوود سلێمان” جێگرێن سەرۆکێ ژوورێ و رێزداران "ئەڤراز بەهجەت، خالد حاجی، هەڤال محەمەد، نێچیرڤان لەزگین و بەیار مووسا" ئەندامێن جڤاتا کارگێری یا ژوورێ ب گەرمی هاتنە پێشوازیکرن.
پشتی پێشوازیێ، دانوستاندنەکا گەرم دەربارەی چەوانییا خورتکرنا پەیوەندییان و گەشەکرنا بزاڤا بازرگانی و پیشەسازی دناڤبەرا هەردو لایەنان دا هاتەکرن. رێزدار “شوکری جەمیل” تەکەز کرە سەر پەیوەندیێن خورت یێن دیرۆکی و ئابۆری یێن دناڤبەرا هەرێما کوردستانێ و وەلاتێ تورکیا دا و گۆت؛ پەیوەندیێن مە یێن بازرگانی ل گەل وەلاتێ تورکیا د ئاستەکێ باشدانە و ئەم خوازین ڤان پەیوەندیان خورتر بکەین. دیسان ئاماژە دا ڤەدیتنا میکانیزمێن گونجایی بۆ گەشەکرنا کەرتێن جودا جودا یێن ئابۆری ب تایبەتی ژی کەرتێن پیشەسازی، گەشتیاری و چاندنێ هەروەسا داخوازکر کۆ هەماهەنگیەکا زێدەتر بهێتەکرن بۆ ڤەدیتنا بازاری بۆ کەلوپەل و بەرهەمێن پیشەسازی و چاندنێ یێن هەرێما کوردستانێ ل بازارێن وەلاتێ تورکیا.
د لایەکێ دی یێ دانوستاندنێ دا، رێزداران لەتیف عوسمان، نێچیرڤان لەزگین، هەڤال محەمەد و ئەڤراز بەهجەتی ئاستەنگێن جودا جودا یێن بازرگانان ل گەل کۆنسولی گۆتوبێژکرن.
ژلایێ خۆڤە، کۆنسولێ گشتی سۆز دا کۆ زێدەتر گرنگیێ بدەنە بەرهەمێ خۆمالی یێ هەرێما کوردستانێ و تەکەز کرە سەر پابەندبوونا خۆ بۆ بەرفرەهکرنا پەیوەندیان و وەبەرهێنانێ.
د پەراوێزا کۆمبوونێ دا، کۆنسولێ گشتی ژلایێ ژوورێڤە هاتە خەلاتکرن و کۆنگرەیەکێ رۆژنامەڤانی هاتە سازکرن و خالێن گرنگ یێن ناڤەرۆکا کۆمبوونێ بۆ دەزگەهێن راگەهاندنێ هاتنە دیارکرن.
