2024-09-24 06:01:39
پێنجشەممە، 19/9/2024، بە ئامادەبوونی عەبدولعەزیز ئەلشمەری باڵیۆزی شانشینی عەرەبی سعودیە لە عێراق، محەممەد شوکری، سەرۆکی دەستەی وەبەرهێنان، گەیلان حاجی سەعید، سەرۆکی ژووری بازرگانی و پیشەسازی هەولێر، حاجی ئیسماعیل سورچی و سالار سەڵاح خۆشناو، ئەندامانی ئەنجومەنی کارگێڕی ژوور و کونسوڵی بازرگانی سعودیە، لە رێوڕەسمێکدا لە هۆتێل رۆتانا لە شاری هەولێر، واژوو لەسەر کردنەوەی نوسینگەی نوێنەرایەتی بازرگانی سعودیە لە شاری هەولێر کرا.
لەم رێوڕەسمەدا باڵیۆزی سعودیە پاڵپشتی خۆی بۆ پتەوکردنی پەیوەندیە بازرگانی و ئابووریەکانی وڵاتەکەی نیشاندا لەگەڵ هەرێمی کوردستان وتیشی؛ ئێمە ئامادەین بۆ هاوردەکردنی هەر کاڵایەك کە لە هەرێمی کوردستان بەرهەم بهێندرێت.
