2024-09-24 05:59:16
بە بەشداری گەیلان حاجی سەعید، سەرۆکی ژووری بازرگانی و پیشەسازی هەولێر و نەوزاد غەفور، سەرۆکی ژووری بازرگانی و پیشەسازی سلێمانی , سەفین دزەیی، بەرپرسی فەرمانگەی پەیوەندیەکانی دەرەوەی حکومەتی هەرێمی کوردستان، کەمال موسلیم، وەزیری بازرگانی و پیشەسازی، بێگەرد تاڵەبانی، وەزیری کشتوکاڵ و سەرچاوەکانی ئاو، محەممەد شوکری، سەرۆکی دەستەی وەبەرهێنان، ، مەعروف عەزیزخان هەرکی، جێگری سەرۆکی ژوور و هەریەکە لە لاوەند مەموندی و حاجی فەیسەڵ گەردی، ئەندامانی ئەنجومەنی کارگێڕی ژوور و بەشێك لە بازرگانان و وەبەرهێنەرانی هەرێمی کوردستان، ئەمڕۆ دووشەممە، 2024/9/23، بە هاوبەشی لەگەڵ بزوتنەوەی بازرگانی فەڕەنسی MEDEF و کونسوڵی فەڕەنسا لە هەولێر، کۆڕبەندێکی بازرگانی لە شاری پاریس لە وڵاتی فەڕەنسا بەڕێوەچوو.
لە میانی بەڕێوەچوونی یەکەم رۆژی ئەو کۆڕبەندە، شاندی ژوور لەگەڵ بازرگانان، وەبەرهێنەر و خاوەن کۆمپانیا بەشداربووەکان چەندین دیدار و چاوپێکەوتنیان ئەنجامدا، هەلی وەبەرهێنان لە سێکتەرە جیاوازەکان لە هەرێمی کوردستان و کەشی لەباری وەبەرهێنانیان بۆ شیکردنەوە، هەروەها داوایان لێکردن بەشداربن لە بنیاتنانەوەی ژێرخانی ئابووری هەرێمی کوردستان و لقی کۆمپانیاکانیان بکەنەوە، ئامادەیی ژووری بازرگانی و پیشەسازی هەولێریان نیشاندا بۆ هەموو هاوکاری و هەماهەنگیەك بۆیان.
وا بڕیارە بەیانی سێشەممە، 2024/9/24، رۆژی دووەمی کۆڕبەندەکە درێژە بە کارەکانی بدات.
