کۆنسولێ گشتی یێ ئەرمەنستانێ ل هەولێرێ سەرەدانا ژووا بازرگانی و پیشەسازی یا دهۆکێ کر

2024-08-18 06:38:39

رۆژا پێنجشەمبی رێکەفتی ٢٠٢٤/٨/١٥، رێزدار "ئەندرانیک هاروتیونیان" کۆنسولێ گشتی یێ ئەرمەنستانێ ل هەولێرێ سەرەدانا ژووا بازرگانی و پیشەسازی یا دهۆکێ کر و ژ لایێ رێزدار "شوکری جەمیل" سەرۆکێ ژوورێ و رێزدار "مەسعوود سلێمان" جێگرێ سەرۆکێ ژوورێ و هژمارەکا ئەندامێن جڤاتا ژوورێڤە هاتە پێشوازیکرن.

کۆنسولی پیرۆزباهییا دەستەیا نوی یا ژوورێ کر و خواستا خۆ بۆ وەبەرهێنانا هەڤپشک دیار کر. پاشی دانوستاندنەکا گەرم ل سەر هەڤپشکیا کلتۆری و دیرۆکی هاتە کرن کا چەوا ببیتە فاکتەرەک بۆ پێشئێخستنا کەرتێن جودا جودا یێن بازرگانی و پیشەسازی. سەرۆکێ ژوورێ خواستا ژوورێ بۆ بەرفرەهکرنا پەیوەندیان و پێشخستنا پێکڤەکارکرنا بازرگانی و پیشەسازی د کۆمەکا بیاڤان دا ل سەر بنیاتێ مفایێ هەڤپشک و دولایەن دیارکر دیسان گۆت؛ ئەرمەنستان بۆ مە وەلاتەکێ گرنگە و ئەم دشێن د کۆمەکا کەرتان دا ل گەل وەبەرهێنەرێن وان کار بکەین.

پشتی کۆمبوونێ، کۆنگرەیەکێ رۆژنامەڤانی هاتە سازکرن و ناڤەرۆکا کۆمبوونێ بۆ رۆژنامەڤانان هاتە دیارکرن.