2024-07-23 10:03:08
رۆژا دوشەمبی رێکەفتی ٢٠٢٤/٧/٢٢، رێزدار “شوکری جەمیل” سەرۆکێ ژوورا بازرگانی و پیشەسازی یا دهۆکێ” و رێزدار “بەیار مووسا” ئەندامێ جڤاتا ژوورێ ل کۆمەلگەها بازرگانی یا ئیدارا سەربەخۆ یا زاخۆ ل گەل کۆمەکا بازرگانێن زاخۆ کۆمبوون.
د کۆمبوونێ دا بازرگانان ئاماژە دا کۆمەکا وان ئاستەنگ و گرفتان یێن کۆ د چالاکیێن وان یێن بازرگانی دا دکەڤنە رێیا وان و داخواز کر کۆ ژوورا بازرگانی و پیشەسازی بگەهینیتە جهێن بەرپرسیار. دیسان هژمارەکا کێماسیێن خزمەتگۆزاری ل کۆمەلگەها بازرگانی دیارکرن.
سەرۆکێ ژوورێ دیارکر کۆ ژوورا بازرگانی و پیشەسازی یا دهۆکێ پلانەکا دەمدرێژ بۆ خزمەتا بزاڤا بازرگانی هەیە و ئەو خۆ ب پارێزەرێن بازرگان و پیشەسازێن پارێزگەها دهۆکێ دزانن و پرەکن دناڤبەرا وان و حکۆمەتێ دا و سۆزدا کۆ وان هەمی ئاستەنگ و گرفتنان دچارچووڤێ راپۆرتان دا پێشکێشی جهێن بەرپرسیار بکەن بۆ هندێ چارەسەریێن گونجایی بۆ بهێنە ڤەدیتن.
