2021-01-17 14:21:49
کۆمپانیای فیات کرایسلەر و گرووپی کۆمپانیاکانی پیجۆ سیترۆین دوای چەندین مانگ دانوستاندنی چڕ دواجار یەکیان گرت و کۆمپانیایەکی نوێیان بە ناوی ستێلانتیس پێکهێنا.
بەو پێیەش کۆمپانیای ستێلانتیس دەبێتە چوارەم کۆمپانیای بەرهەمهێنەری ئۆتۆمبیلی جیهان و هێندە توانای دارایی دەبێت کە رکابەری بەهێز لەگەڵ هەریەکە لە کۆمپانیاکانی تۆیۆتا و ڤۆلۆکس ڤاگن بکات کە لە بواری بەرهەمهینانی ئۆتۆمبێلدا بە دوو کۆمپانیای پێشەنگ ئەژمار دەکرێن.
هەردوو کۆمپانیای فیات کرایسلەر و پیجۆ سیترۆین لە دوو راگەیێندراوی جیاوادا رایانگەیاند کە لەمڕۆوە کۆمپانیا نوێیەکەیان درووست کردووە و گرێبەستی 52 ملیار دۆلاری نێوانیان چووەتە بواری جێبەجێکردنەوە.
کۆمپانیا نوێیەکە توانای هەیە ساڵانە زیاتر لە 8 ملیۆن ئۆتۆمبیل بەرهەم بهێنێت و لەلایەن کارلۆس تاڤارێس، بەڕێوبەری جێبەجێکاری پیجۆ سیترۆینەوە رێبەرایەتی دەکرێت.
رووداو
