2019-11-24 17:16:02
رۆژى 20/11/2019 د. دارا جه‌ليل خه‌يات سه‌رۆكى یەكێتی ژوورەكانی بازرگانی وپیشەسازی هەرێمی كوردستان مه‌راسيمێك بۆ ناساندنى كتێبه نوێكه‌ى فه‌تحى موده‌ريس كه به هاوكارى ژووری بازرگانی وپیشەسازی هەولێر به چاپ گه‌ياندراوه سازكرا.
له سه‌ره‌تاى مه‌راسيمه‌كه دكتۆر دارا جەلیل خەیات سەرۆكی یەكێتی ژوورەكانی بازرگانی وپیشەسازی هەرێمی كوردستان وته‌يه‌كى پێشكه‌ش كرد باسي له چالاكيه‌كانى ژووری بازرگانی وپیشەسازی هەولێر كرد له گشت بواره‌كان.
دكتۆر دارا جەلیل خەیات وتى به گوێره‌ى توانا، هه‌وڵمانداوه جگه له پشتگيرى كه‌رتى ئابوورى و بازرگانى، فراوان كردنى په‌يوه‌ندييه بازرگانيه‌كان له‌گه‌ڵ وڵاتان، هاوكارى و يارمه‌تى نوسه‌رانمان داوه له به چاپ گه‌ياندنى كتێبه‌كانيان، چه‌ندين كۆڕ و كۆنفڕانسمان له ماوه‌ى رابردوو ئه‌نجام داوه و به‌رده‌وامين.
وتيشى ئێمه هه‌ميشه ده‌رگامان واڵايه بۆ خزمه‌تكردنى هه‌ر لايه‌نێك له هه‌ر بوارێك بێت كه خزمه‌ت بگه‌يه‌نێت به كوردستان.
دوتر فتحی مدرس ووتەیەكی پێشكەش كرد و باسی ناوەڕۆكی پەرتوكەكەی كرد و سوپاسی دكتۆر دارا جەلیل خەیات و ژووری بازرگانی و پیشەسازی هەولێر كرد بۆ هاوكاری كردنیان .
